top of page
Search

Algun tips pa muchanan cuminsa scol motiva!

Aña escolar nobo ta cla pa cuminsa, un dia di suspenso pa muchanan y nan mayornan.

No ta un dia facil kizas pa algun mucha y mayornan pa hiba nan yuinan na un scol nobo, e prome dia di scol ta uno emocionante y semper special.


Prome cos cu mester haci:

Percura pa activa e reglanan di siman di scol, drumi trempan pa lanta trempan y cu bon humor, pone musica alegre den cas pa ora e dia cuminsa e mucha por sinti su mes relaha y comodo pa cuminsa su aventura di un aña escolar nobo.

Activa e rutina y schedule di siman, orario pa hunga, haci tarea, yuda cu trabou di cas y orario pa drumi anochi.



Encurasha e muchanan pa ta independiente, laga nan mes escohe loke nan kier bisti pa bay scol, laga nan dicidi kico nan kier hiba scol pa come y si nan tin e edad suficiente laganan mes prepara nan sandwich tur dia .E tareanan chikito aki ta duna bo yui e confiansa pa ta independiente.


Papia cu bo yuinan riba nan seguridad. No subi auto cu hende straño, no sali di tereno di scol y sigui reglanan di scol y nan maestro/a

Motiva bo yuinan pa haci movecion na cas, si no ta practica deporte of otro actividadnan fisico, dunanan tur e motibonan pakico mester come saludabel y yudanan den e desaroyo di come cumindanan saludabel, establece un habito di come saludabel den famia.


Limita e uzo di screen, prome cu bay drumi, tuma tempo pa paga aparatonan electronico y dedica algun minuut hunto den famia sin wordo stroba, no bay drumi cu cellular riba cama y preferibel uza e holoshi pa e alarma di mainta.


Celebra e comienso di un aña escolar nobo, cu un desayuno special un poco decoracion den cas pa e transicion di un aña escolar nobo ta algo cu nan lo sinti comodo y feliz.

Purba algun actividad di ‘back 2 school games’ prome cu e anochi di scol pa crea un expectativa di alegria e anochi prome cu scol cuminsa.



Y por ultimo no lubida di saca un potret den nan uniform y tas prome cu nan drenta scol.


Tempo ta pasa lihe un rato nan ta chikito y un rato nan ta grandi.


Feliz comienso di aña escolar 2021-2022

Comentarios


bottom of page