Pa algun aña caba famia di Cero Patrishi 215 ta celebra e temporada cu adorno di luz di Pasco pa trece ambiente den e bario. Junior ta conta nos cu e aña aki ela dicidi di cumpra mas luz, e ta kere cu tin maso menos 120 mil bombiyo.
E decoracion aki nan ta haci'e cu hopi amor pa e bario , nan yuinan y nietonan cu ta pasa e dianan di fiesta na nan cas. Desde awe nochi tur hende por pasa saca potret y si nan ta na cas por pasa den veranda wak e bunita pesebre cu nan a traha.
Awe nochi den programa di Pasco na Cas riba Diario TV 48 y Radio Blue FM 107.5 lo cende e luznan oficialmente y asina nan ta yama bon bini na e temporada mas gusta di tur aña.
Masha danki na Junior y su casa Sharon pa dedica un bunita decoracion pa duna pueblo mas alegria den e temporada aki.
Comments