top of page
Search

Awe ta recorda e aparicionan y milagernan di birgen di Guadalupe.




Un poco di e historia:

Tur cos a cuminsa na aña 1531 riba e cero di Tepeyac cu ta keda Noord di e capital di Mexico e birgen a aperece dilanti e indjan Juan Diego .

E mesun aña aki Juan Diego a scucha un canto masha bunita di pajarito di cual ela sigui nan voz y ta aki ela mira e aparicion pa prome biaha. E birgen tabata bisa Juan Diego cu e kier pa e construi un kapel na e lugar aki unda e la aparece.

Obedientemente Juan Diego a bay bisa e Obispo kico e birgen su deseo ta, pero e obispo no a kere Juan Diego.

Despues di un tempo e birgen a bolbe parece cu e mesun peticion pero Juan Diego a bise cu e no por convence e Obispo

E birgen a haci 3 milager pa asina por convence e Obispo:

E prome ta di cura e omo di Juan Diego cu tabata malo, e di 2 ta di laga rosa florece den tempo di winter na unda Juan Diego tabata biba.

Juan Diego a bay cu e rosanan den su paña lora pa hibe pa Obispo y ora ela habri su paña dilanti e Obispo e imagen di birgen Guadalupe a aperece riba e paña di Juan Diego.

Aki e Obispo a kere cu loke e indjan tabata bisa pa algun tempo caba tabata berdad.

E tercer milager a tuma lugar riba 12 December 1531, e fecha aki a bira uno special cu tur aña ta recorda birgen di Guadalupe den tur misa catholico a mundo.

Aki na Aruba na misa di St Cruz tur aña esaki tabata wordo celebra cu mariachi y canto masha bunita.

Awe iglesia catholcio ta reconoce e aparicion y a reconoce Juan Diego como un santo.

Esaki a tuma lugar July 31, 2002, na Basilica di birgen di Guadalupe di cual Papa Juan Pablo 2 a haci Juan Diego oficialmente un Santo

Comentarios


bottom of page