E dou aki ta pa prome biaha a lansa un cancion hunto, un pegahoso ritmo combina cu tin tur e ingredientenan pa haya atencion di e amantenan di bon musica.
Pa 2 siman caba e cancion aki ta riba puesto di honor pa Radio Blue FM 107.5 y Diario TV 48.
Tur diabierna entre 4pm-6pm oyentenan y televidentenan por scucha e miho 20 cancionan di siman.
Na puesto Nr. 2 tin e popular cancion 'Pakata' di T-Drick y Jeon y na puesto Nr.3 Ataniro x Hnly e cancion 'Sla di amor', ambos tema ta batayando pa conkista posicion Nr.1 e siman aki.
Nos ta admira nos artistanan y gruponan musical aunke nos no ta den bon tempo nan ta keda produci y brinda nos musica y alegria.
Comentarios