Bertha Wolff: Mi ta gusta come Masbango fresco esey sigur tin mi cu bon salud celebrando 90 aña.

Sra. Bertha Christiaans Wolff recientemente a celebra e bunita edad di 90 aña, un señora masha stima den e bario di Palm Beach, e ta bin di famia cu a biba largo, su mama tambe a biba mas cu 90 aña.

Den nos combersacion cun’e el’a conta nos cu tur dia e ta cushina y haci su trabou di cas y e ta gusta come pisca pero no tur tipo di pisca, su pisca faborito ta masbango. E ta kere sigur cu comiendo Masbango y tene su mes bezig cu trabounan di cas ta e motibonan cu awe e ta celebra su 90 aña cu bon salud.

Rato rato e ta bishita un casino pa e ranca un poco jackpot pa e brasanan por keda den bon condicion (-; esey tambe ta bon pa e salud.

Sra. Bertha tin un famia grandi di 9 yiu, cu hopi nieto y bisanietonan y den cualkier momento su prome tatara nieto lo nace.

Nos ta desea Berta hopi salud y hopi aña mas di bida.