top of page
Search

Bo tabata sa cu e cantante Xuxa ta e hende muhe mas rico na Brasil?




Su nomber completo ta Maria da Graca Meneghel miho conoci como Xuxa, e ta un cantante, actriz di cine, empresario y presentadora di television cu tin un patrimonio neto di 180 miyon dollar

E ta wordo considera como un hende muhe (self made) mas rico na Brasil su shownan a yega na audiencia di varios paisnan importante na mundo.



Ela cuminsa cu carera como presentadora di serie di mucha na television, ela gana e apodo di ‘e reina di e chikitonan’ y gana 2 premio Grammy latino.

Na principio di decada 90 ela converti den un di e artistanan mas rico na mundo y e persona mas rico na Brazil. Despues di 30 aña den e industria di entretenimiento Xuxa a bende mas di 30 miyon disco di cual a converti’e den e cantante Brasileña cu mayor exito comercial.


Algun curiosiad di Xuxa:

Micheal Jackson a ofrece matrimonio pa por tin yui cun’e y ela nenga.

E la pose sunu pa e revista Playboy na 1982

E tabata chick di e futbolista Pele (1981-1986)

E tabata e prome Brasileña cu a drenta e lista di esnan mas rico di Forbes Magazine (1991) ocupando puest #37 na mundo.

E la cumpra un cas na Miami pa 4 miyon dollar na 1990 di cual awe ta bal 30 miyon dollar.




Comments


bottom of page