Candela:10 miembro di famia ta perde nan bida den nan cas.

Diabierna den oranan di marduga a bati alarma pa un cas na candela na Pensilvania Merca di cual autoridadnan no por a scapa bida di esnan cu tabata biba den e cas.

Ta trata di 10 miembro di famia cu a perde nan bida cruelmente 7 adutlo y 3 mucha.

Bomberonan ta kere cu e candela a cuminsa den veranda di e cas pero ainda no ta cla cu investigacion.

Solamente 3 miembro di e famia por a scapa , e welo di e famia ta esun cu a bati alarma pero e candela a bira grandi hopi lihe di cual e welo mes no a logra scapa di e candela.

Autoridadnan ta haciendo investigacion pa haya sa kico ta e motibo di e candela.