Daddy Yankee auto proclama como ‘ El Jefe’ a anuncia su retiro den mundo di musica diadomingo cu lansamento di su proximo album musical ‘ legendaddy’ cu ta sali diahuebs.
Den e mesun anuncio aki e la informa e lista di su conciertonan ‘ la ultima vuelta’
Daddy a expresa cu e carera musical p’e tabata un marathon y porfin e ta mira e meta, después di esaki elo disfruta di tur loke e publico a brind’e.
Daddy Yankee tabata programa pa bishita Aruba den concierto na April 2020, tur cos tabata cla pero covid a haci su entrada na mundo y Aruba y mester a pospone e fecha. Promotornan a anuncia ayera cu nan ta kedando cla pa un fecha nobo y ta pidi e fanaticonan un poco pasenshi mas pasobra pronto nan lo anuncia fecha nobo.
Aki por mira e comunicado cu Dushi Vibez a publica riba social media ayera nochi.
Aruba.. . Soon….”La ultima vuelta”
Evento no a cancela y nos tin mas ku 2 siman trahando cu e team di Miami y team di DY pa asina defini e fecha pa Aruba.
Tur otro pais riba lista a habri pa evento 1 aña prome ku Aruba, y ta logico nan a haya un fecha prome. Nos mester a entrega un sinfin di prueba cu Aruba ta finalmente habri y cu tur restriccionan ta kita prome cu nos por haña un fecha.
Mester structura e plan di marketing un biaha mas. Tur e otro artistanan renombra tambe manera “El Alfa” mester cordina fecha. Mester defini ki fecha lo combini Aruba pa nos local y turista teniendo cuenta cu un evento asina lo trece atencion y hopi beneficio pa nos hotelnan, restaurant, compania di servicio y bebida y nos pueblo cu lo kier traha i disfruta den un evento grandi.
Asina e team por confirma un fecha, lo agrega esaki na e tour. E tour di DY mes ta un poco mas cu 1 aña largo y falta HOPI luga pa agrega ainda.
Tiki pasenshi. Nos ta compronde cu tin hopi hende riba social media creando un mal impresion pero nos no lo defrauda esnan cu tin nan ticket y esnan cu kier bay e concierto na Aruba di DY. Pero nos lo defrauda esnan cu kier hunga wega cu negativismo riba social media!
Danki na tur pa e pasenshi
Aki por mira e post cu Daddy Yankee a pone riba su facebook 10 Maart 2020.
Comments