top of page
Search

Despues di hopi aña tur Top100 ta saca e mesun cancion na Nr1 Pakata a domina 2021



Manera un tradicion na Aruba fin di aña radio emisornan ta presenta Top100 dunando e atencion na miho 100 cancionan di aña, pero no tur aña e mesun cancion ta sali nr1 na tur e radionan.


E aña aki e cancion Pakata di T-Drick y Jeon a domina na e 4 Top100 mas scucha na Aruba.


Dia 30 December TOPFM a tene su Top95 di cual E cancion Pakata a bay cu e puesto di Honor.


30 December Lyonel Dirksz tambe tin su Top100 riba Radio Blue FM 107.5 y Diario TV di cual Pakata tambe a bay cu e posicion di honor.


31 December ultimo di aña Ruben Garcia na Power FM tambe a presenta su Top100 di cual Pakata a bira Nr1.


Magic FM cu su elenco di locutor manera Vibez, Reno Irasuquin y Campo tambe a duna honor na Pakata como cancion di aña.


Ivo Yanez na Canal90 riba ultimo dia di aña tambe anuncia Pakata como cancion di aña.


Jeon un biaha mas a domina cu su cancion cu ela lansa den final di July cu awe tin casi mey miyon views riba Youtube.


Si nos no ta fout, ultimo biaha cu tur radio a saca e mesun cancion na Nr1 tabata Porfin tin un homber di Rincon Boys 10 aña pasa.



Masha pabien na T-Drick y Jeon pa e gran exito aki cu a domina Aruba.

Comments


bottom of page