E caso aki a pasa na Dover Inglatera , Mati Urb a pidi su mayornan cu e kier celebra su cumpleaños na costa di Dover di cual tin un bista impresionante di lama.
Mati tabata celebra su fecha natal cu su amigonan y famia pero nan a perd’e di bista. Famia a bati alarma di biaha cu e speransa cu nan lo haya nan yiu cu bida pero anochi Guarda Costa a haya e cadaver di Mati den lama.
Autopsia a determina cu e mucha a haya hopi sla na cabes di cual ta kere cu e lo a cay for di e barancanan halto y perde su bida den lama.
No tin ningun testigo cu a mira kico a pasa, ta sospecha cu e mucha su curiosidad pa bay wak e panorama di a lama a lag’e yega hopi cerca y lo a cay for di un haltura basta halto.
Mati tabata soña pa celebra su cumpleaños na e costa di Dover sin cu su mama, tata y famia por a imagina cu lo ta su ultimo cumpleaños.
Comentários