Gilbert Dirksz diadomingo 6or di mainta hunto cu un grupo di amistad y famia bou di guia di Rambo Flanegin a cuminsa cu un hazaña personal pa Gilbert cana di anker di Colony pa anker di Kas Ariba.
Esaki ta prome biaha cu Gilbert a cana un distancia largo y pasa e obstaculonan di subida y bahada de park Arikok.
Na su salida di Arikok su bisiñanan di San Fuego tur tabata sper’e pa apoy’e di cual ela haya forsa pa sigui te final pasando riba e caminda di Urataca y finalisa na e dam di Kas Ariba.
Gilbert na su yegada a gradici tur hende y a dedica e hazaña aki na su ruman defunto cu a fayece di sobrepeso.
Durante e ultimo dianan aki Gilbert a bira un sensacion riba social media di cual tabata haya hopi apoyo, admiracion y te asta burla cu e no lo logr'e, awe ela demostra tur hende cu e por y a logr'e.
Gilbert ta manda un mensahe pa nos comunidad pa come saludabel y haci movecion Gilbert ta trahando duro pa baha peso di cual no ta tur dia ta bay mesun facil.
E hazaña a dura 5 ora y 30 minuut di un distancia di 18km.
Diasabra Get Fit Team a dedica 25 km na honor di Gilbert di cual Gilbert tabata presente na nan salida for di e anker pa gradicinan pa e dedicacion, team di get fit a cana/core te na Alhambra Casino.
Comentarios