Den e weekend tras di lomba tur atencion tabata riba plaza Betico Croes, despues di 2 aña pueblo por subi plaza y gosa di 3 anochi di evento cultural.
Cuminda, artesania y co'i bebe no tabata falta, compaña pa musica cu ta inspira cada un di nos pa ta un bon yui di tera.
Diabierna e weekend a cuminsa cu un concierto di Edjean Semeleer y diasabra e festival di nos muchanan y hobenan y diadomingo e festival di adulto.
Un total di 16 composion a participa den festival di adulto, Jerwin Hernandez a Sali na di 3 luga sigui pa Mitch Almary y ganadornan absoluto Ruth Gaarie y Stephanie Gravenhorst.
Loke ta di remarke pa prome biaha den historia di e 25 festival mama cu yui ta participa den Dou y gana e premio maximo.
Ruth y Stephanie a presenta un composicion di Jhon Freddy Montoya un señor composicion cu a bira e composicion ganador di e anochi.
Masha pabien na tur e participantenan y organisadornan.
Comentarios