Irak: Un fiesta di matrimonio ta termina cu 100 morto y 100 herido.

Tur cos tabata mustra cu tabata e fiesta di mas bunita organisa, cu tur luho y detaye, pero organisadornan no a tene cuenta cu e show di candela na momento cu e pareha tabata haci nan prome baile.

E candela cu tabata un efecto special durante e prome baile a tira demasiado halto cu a alcansa e decoracion den e dak y a provoca un candela feros den algun minuut.

No ta tur hende a logra scapa di e edificio, algun a muri den e sala di fiesta mes.