top of page
Search

Jan Flemming ta di luto cu fayecimiento di Laida Cannister riba dia di Pasco.





Pa algun tempo caba Laida tabata hopi activo riba facebook y tabata conta su follewers cu e ta luchando duro contra Cancer. Apesar di su malesa e tabata hopi positivo riba medianan social y tabata encurasha hende pa gosa di bida.


Nos a compronde cu e deseo di Laida tabata pa muda na cas di su mayornan na Jan Flemming pa e pasa su ultimo dianan di bida den e calor di e hogar unda su mama y tata a biba.



Laida tabata haya hopi bishita y tur e tabata saca potret y comparti riba su facebook.

Durante campaña Laida a haya hopi bishita di politiconan di MEP pasobra semper Laida tabata un gran sostenedor di e partido. Ultimo por a mira Laida den su rolstoel den sala di Parlamento bou di invitacion ela haya un rondleiding den e organo mas importante di nos pais.



Laida ta yui di e conocido Maca Flanegin den feliz memoria cu tabata yama radio tur dia y semper cu su criticanan skerpi riba gobierno y politica.


( Laida hunto cu Jeon)


Laida semper a lucha pa su yuinan y tur por a conta cu su apoyo incondicional. Laida ta mama di e conocido cantante reina di Tumberito Franksjenne Vos. Hopi por corda con Laida tabata trece ambiente den stadion ora su yui competi.


( Laida hunto cu su casa Gordo)


Nos ta desea e famia forsa specialmente su casa Gordo, Yuinan y henter famia.


Cu Laida sosega na paz.



(Laida hunto cu Rocco)

Comments


bottom of page