top of page
Search

Kico ta nifica cada color di curazon riba WhatsApp?




Cada color di curazon a wordo crea pa bisa e persona cu ta ricibi’e algo, cada color tin su nificacion cu nos mester ta na altura pa hende no compronde nos robes ora nos ta manda un curazon p’e.


Curazon biña ta simbolisa un amor prohibi, un amor scondi, un relacion entre amantenan.


Curazon cora, ta pa esnan cu bo ta stima di berdad , color cora tradicionalmente ta pa expresa e deseo cu bo tin pa un hende.


Curazon geel, ta pa expresa cu bo ta entrega un amor sin condicion, sin gañamento y sin resentimiento.


Curazon maron ta pa expresa union y fortalesa.


Curazon berde ta representa crecemento y fertilidad, bo kier crece cu e persona bo kier un famia cune.


Curazon blanco, ta nifica cu bo kier e persona pero no den un forma di amor romantico pero como un bon Amistad.


Curazon blauw ta esun mas tristo di tur, e ta pa expresa cu e candela a paga den un relacion y e pareha a perde nan sensualidad y quimica sexual.

Curazon preto ta representa tristeza, dolor y por wordo uza como un simbolo di humor preto.


Curazon kibra ta pa expresa e dolor of sufrimento despues cu bo a perde un amor atravez di un traicion of un rechazo romantico/ sentimental. Curazon kibra ta simbolisa e desamor.

Curazon cu strea geel, ta pa duna hendenan cu ta capaz di lanta un hende sin bida y dune motibo pa biba atrobe pasobra bo amor ta fuerte suficiente pa yena un hende sin bida cu bida.


Curazon cu strik geel ta pa expresa cu bo ta dispuesto pa entrega bo bida , bo curazon cu e finalidad di ta hunto cu e persona.

Curazon cu flecha, kiermen cubo ta completamente enamora, ba conoce amor un biaha mas.


Tene cuenta ora bo ta manda curazon, pa bo mensahe no wordo compronde robes.


Comments


bottom of page