
Den un Entrevista realisa pa George Winterdaal, Maribel a conta un poco di su experencia como reina infantil, hubenil y reina grandi.
E reto di mas grandi tabata competi na aña 2010 Den eleccion di reina grandi pasobra e mester a competi cu Hilyann cu tambe tin corona di reina infantil y hubenil tambe.
Mientras e tabata na Hulanda e ela haya un yamada puntrando si e kier bay competi pa reina grandi representando TOB, e no a pense 2 biaha y haci tur lo necesario pa ta na Aruba y cuminsa cu e preparacionan.
Pero algo a presenta, regla a cambia 31 december e mesun aña, di cual si bo no ta biba na Aruba bo no por participa, esaki tabata haci’e dificil y tabata tn varios discusion riba e topico aki cu a bay radio y causa polemica. Pero cu un bon reunion cu SAC a cambia e regla bek di cual a haci cu Maribel por a participa na e eleccion.
Segun nos a compronde esey tabata un regla cu a bin na ultimo momento como un trampa kizas pa Maribel no participa??
Maribel a conta di e emocion riba stage na momento cu prins y pancho tabata pasa bandi dje y a trece Hilyann pa dilanti como first runner up, e tabata casi sigur cu e lo gana e momento ey pasobra Hilyann tabata su competencia di mas fuerte riba stage.
Maribel a bisa tambe cu e no tin ningun problema cu Hilyann, nan a participa y competi den un forma sano na e eleccion, pero kizas fanaticonan tabata mal intepreta e situacion.
Den Historia di nos carnaval Maribel ta e unico reina cu a gana 3 corona riba stage, awendia e ta yuda varios reina como coach y di cual varios di nan a gana e corona tambe.
A puntre si su deseo ta pa un dia participa den señora caraval si contesta ta Si pero cual aña e no sa ainda.
Maribel su conseho ta pa mantene e show di reina pero kizas por elemina e parti di costume pa haci’e menos costoso y pa haya mas participante.
Maribel ta un educador di scol casa y mama di 2 yui.
Masha danki Maribel pa comparti un poco di e momentonan historico cu nos
Pa e video di Entrevista por wake riba youtube https://www.youtube.com/watch?v=msMDMtyCKbo
Compila pa: George Winterdaal
Comments