Yegada di Sinterklaas na Aruba pa añas ta den man di Fundacion Sinterklaas lidera pa sra. Evelyn Frank y su comision.
Ministerio di Cultura ta brinda un aporte financiero pa haci esaki posibel y Minister di Cultura ta bay waf pa ricibi Sinterklaas y su Pietnan. E Fundacion a organisa un encuentro virtual pa asina brinda e muchanan un show. Como mandatario di Cultura mi no ta stipula kico e trabou di e comision ta. Si e ta mi decision y condicion pa e Pietnan ta di diferente color.
Pa añas tabata tin hopi critica riba e parti discriminatorio di e fiesta aki y pesey aña pasa a tuma e decision cu Gobierno ta duna aporte solamente si tin pietnan di diferente color. Nos no ta bay laga organisa algo si tin mucha ta bay sinti nan mes malo pa nan color di cuero. Lo tene cuenta cu tur critica lansa e aña aki pa otro aña por haci mihor. Pa awor aki ban haci e fiesta aki algo bunita pa nos muchanan. Ban transforma e critica den atencion positivo pa nos muchanan.
informacion: Pagina di Facebook Minister Xiomara Maduro
Den un otro post ayera riba e pagina di Minister ela informa cu pa otro aña e lo percura pa su Ministerio mes haci e yegada y show y lo tene cuenta cu tur critica.
Hopi ta e comentario ayera riba medianan social cu e show virtual organisa pa Fundacion Yegada di Sinterklaas tabata falta animo, ambiente y alegria infantil, hopi ta esnan cu a spera mas di e show virtual.
Comments