top of page
Search

Pa 21 aña awe nochi ta cende e luznan na Grot di Divino Niño Hesus.



Tur cos a cuminsa na aña 1998 pero nan a stop nan di sigui traha pasobra no tabata tin un permiso oficial pa pone e Niño Divino Hesus.


Den luna di Maart 1999 a haci un peticion na gobierno pa hasi uzo di e grot bou di e nomber Grupo Niño Divino, e permiso a keda cla dia 23 di Juni 1999 y asina a continua cu e construccion y alabes gobierno di Aruba a laga traha e trapi pa yega na e grot.


December 1999 a habri e grot oficialmente. Durante aña 2000 Gilbert cu awe ta na cabes di e organisacion a keda roga 'Pai' Rodulfo Rasmijn ( su welo cu a cuminsa cu e grot) pa pone luz di color y e la bisa si y asina e tradicion di luz a cuminsa.

10 di December, 2000 a cende e prome luznan di color na e grot. Pai ta fayese na October 2006 pero Gilbert a bisa cu e lo sigui cumpli cu su trabou pa mantene e tradicion y e grot bon cuida.



Awendia e grot ta carga e nomber di Organisacion Grot Divino Niño Hesus cual ta bou maneho y supervicion di Gilbert e nieto di e fundador di e grot.


Awe nochi pa 8or ta cende e luznan un biaha mas, cu sentimiento mixto pasobra un di e ayudantenan clave den e decoracion di e grot a fayece e aña aki Lourdes Rasmijn miho conoci como 'Lulu'


un gradicicimiento special na Do It Center y Bingo Aruba y tur hende cu a cumpra snack box, danki special na taxista, Roger Lacke y Linda Ponson tur demas famisa cu di un of otro manera semper a yuda.


Si ta desea pa haci un donacion pa gastonan di coriente por haci esaki riba nomber di Organisashon Grot Divino Niño Jesus :Sero Preto z/n San Nicolas: Aruba Bank 2562360190

コメント


bottom of page