Rejoice gospel Group ta un yui Rejoice Ministery di cual algun integrante actual a lanta e grupo den nan epoca di estudio na Hulanda.
Na momento cu nan a bin bek Aruba e deseo tabata te’y pa continua na canta pa Señor, Zulaika Geerman a tuma e timon y hunto cu algun integrante di Rejoice Ministry a lanta e grupo 11 aña pasa bou di e nomber di Rejoice Gospel Group.
Zulaika a duda un poco na comienso pa dirigi e grupo, pasobra e tabata sa cu dirigi un grupo no ta facil, ta rekeri tempo, diciplina y hopi responsabilidad.
Pero e amor pa musica y pa Dios a laga Zulaika tuma e reto aki y forma e grupo aki na Aruba.
Tur cos a cuminsa 7 di February 2011 cu e prome training, nan prome presentacion oficial tabata 12 di February 2011 na paraokia di Cristo Rey na Brazil hunto cu Pastor Jairo Maduro. Pastor Jairo tabata un di e prome pastor cu a habri porta di Misa pa Rejoice por a florece y canta den cas di Dios.
Rejoice a canta na tur parokia y cada invitacion cu nan haya pa toca y canta ta un bendicion.
Durante e añanan Rejoice a participa na diferente conciertonan, entre otro di nan ruman Eltienne Yarzagaray di cual Rejoice a haya e honor di habri e concierto.
Na 2017 Rejoice e presenta un bunita concierto di cual nan a lansa nan produccion musical
titula ‘Bo momento cu Señor’
Rejoice ta un gospel group pero ta duna honor tambe na nos cultura, ta pesey den temporada di himno y bandera nan ta participa na e festivalnan.
Pa Rejoice ta importante pa participa y no pa gana,pero pa duna balor na nos himno y bandera y pa gana e curazon di e publico.
Rejoice no ta kere den competi cu otro gruponan di Gospel , loke nan ta haci ta duna semper 100% di nan banda pa duna tur honor y Gloria na Dios, pesey ordo y diciplina ta importante den nan grupo. Si no ta train no ta canta y toca pa asina por mantene e grupo na un bon nivel.
Rejoice a cuminsa cu 15 integrante, tur weekend nan ta canta den diferente parokia mainta y atardi y no ta tur hende por a continua cu e schedule druk di Rejoice.
Awendia danki na e pandemia nan ta 6 integreante cual ta un bahista Randel Silva, gonga Papa Earl, cantantenan, Marcie de Jongh, Ella Luduella Orman, Afra Henriquez y Zulaika Geerman.
Y na momento cu ta permiti pa toca cu mas persona nan ta forma Rejoice band completo cu mas artista invita. Nan percusionista ta Juean Orman un integrante hoben pero hopi diciplina.
Pa tur esnan cu ta puntra dicon Rejoice no a saca mas produccion, e contesta ta facil e
situacion financiero no ta brinda esey awo. Nan presentacionan na misa ta voluntario y presentacion priva ‘ paga’ no ta hopi pa nan por genera fondo pa saca produccion.
Rejoice ta gradici tur hende cu a apoyanan den nan trayectoria di 11 aña di existencia, pronto lo tin algun sorpresa pa nan fanaticonan.
Comments