top of page
Search

Robby Rosel ta join Radio Blue FM 107.5 den oranan di atardi cu un programa nobo.




E conocido locutor Robby Rosel stima den pueblo pa su programanan di fin di aña ta bandona radio TOPFM pa forma parti di e famia di Radio Blue FM.


Robby a cuminsa na Radio 28 aña pasa riba e frequencia di Crystal FM, e tempo ey ela cuminsa como editador di noticia di radio, despues di 2 luna Robby a bira presentador di noticia estelar di e canal.


Den e mesun aña Robby a presenta su prome programa di Pasco na Crystal di cual ela presenta e prome Top di Pasco 28 aña pasa. Despues di 2 aña ela bay traha na Top95. Na Top95 Robby a presenta su programa pa 25 aña, 2021 na final di December tabata su ultimo transmicion na Top95.


Den temporada di fin di aña Robby a bira hopi conoci cu su programa mainta trempan pa 25 aña largo.

Robby ta kere cu ta momento pa haci un cambio y cuminsa cu algo nobo, despues di hopi reunion cu gerencia di Blue FM 107.5 ela cera un contract cu e radio pa cuminsa 17 Januari di dialuna pa diabierna 4pm pa 6pm. Durante e programa Robby lo presenta musicanan romantico, balada, oldies y brinda e oyente un variacion sin igual.


Robby ta contento cu e oportunidad aki ta invita tur su fiel oyentenan pa compañe tur atardi riba Radio Blue FM 107.5.




bottom of page