top of page
Search

Ruben Garcia: Como MC mi mester a coregi na momento cu prins y pancho a saca reina robes 1992.


Ruben Garcia: Como MC mi mester a coregi riba stage, na momento cu prins y pancho pa malo a saca reina robes na 1992, algo cu mi no ta bay lubida nunca.


Den e programa di Un Ñapa di Carnaval di George Winterdaal e icono di radio Ruben Garcia a conta un poco di su trayectoria formando parti di Carnaval.


Tur cos a cuminsa tempo cu ela gana e competencia di prins y pancho na aña 1971 hunto cu Harold Helder ( Prins y Pancho Disc Jockey)



Eynan unda su carera como MC a cuminsa y su popularidad na radio a crece. Su forma unico revolucionario pa haci MC hungando cu su tono di voz den un forma mas alegre compara cu maestronan di ceremonio tradicional a dun’e hopi trabou como MC.


E no ta bay lubida nunca con e publico a rabia den festival di tumba ABC ora e mester a anuncia cu Curaçao a gana tur premio e publico a lanta den stadion y cuminsa benta cos riba stage.


Pero un di e momentonan cu e no ta bay lubida di ta riba stage pa eleccion di reina grandi di Aruba su Carnaval na aña 1992 ora prins y pancho Lionel ‘Rupi Croes y Farley Croes (Prins y Pancho Barbie Ken) pa malo a saca reina robes. Prins a Pancho a saca reina di St .Cruz Lyndelle Niewkerk enbez di Tivoli Club Monica Saladin.

Nan a carga e reina hibe dilanti y despues a core baha for di stage manera muchanan mala mucha.

Milo Croes presidente di SAC a cuminsa zwaai man riba stage dilanti camara di television rabia loke prins y pancho a haci y riba stage a bisa cu nan ta bay wordo descualifica. Como MC Ruben mester a bin dilanti pidi disculpa y coregi e mal hecho di e prins y pancho y anuncia e reina corecto cu ta candidato di Tivoli Club Monica Saladin.



( Prins y Pancho Barbie Ken hayando yabi di prome minister Nelson Orlando Oduber prome cu a wordo descualifica)


Prins y Pancho no a laga e asunto te eynan pasobra dialuna nan a yama un conferencia di prensa na Rowginies St. Cruz pa por culpa Ruben cu a duna nan resultado robes. Ruben sorpresivamente a yega Rowginies y cuminsa grita cu e no a dunanan resultado robes, ta nan a saca reina robes pa malo.

Casa di Ruben Sra. Teresa a hiba un susto ora ela tende cu Ruben lo bay enfrenta e prins y pancho den St Cruz y a manda su ruman homber pa bay defende Ruben si e asunto bay for di man.


Prins y pancho ambos tabata di St. Cruz y tabata obvio cu nan tabata kier pa nan reina di St. Cruz sali, nos a compronde cu te dia di awe despues di 30 aña ainda tin fanaticonan di St. Cruz ta hopi rabia cu e prins y pancho cu a saca reina robes pa malo.



Monica Saladin Reina di Carnaval 1992


Den historia di Carnaval 2 biaha a saca reina robes den carnaval 61 ora SMAC a tuma over tambe anuncia resultado robes den eleccion di reina hubenil pero esaki tabata un eror humano.


Ruben a expresa cu e ta haya hopi falta di Carnaval y no mester cambia nada pasobra Carnaval ta bon manera eta, te asta e problemanan den Carnaval ta bon….



( Compila pa George Winterdaal)




Commentaires


bottom of page