
Despues di a lucha pa algun tempo pa recupera su salud, Dios a dicidi di yama Rudy Croes den su reino.
Rudy Croes ta conoci pa su cancionan cu e la graba cu Grupo di Betico manera ' Cabayito di Shon Alfredo, Awa di Tanki Lender y varios otro cancionan mas.
E instrumento cu Rudy tabata domina mas den e grupo ta e wiri di cual despues di toka un Dande e tabata benta e wiri riba vloer.
Rudy a ocupa puestonan importanta den gobierno, e ultimo puesto tabata di Minister encarga cu Husticia.
Despues di su salida di Politica a keda activo den nos comunidad, organisando entre otro Aruba International bike week , a keda vocivera su opinion riba politica y nos idioma Papiamento riba su pagina social di Facebook.

Aki ainda por mira Rudy grabando den e video clip 'Gosa bida' cu a bira e ultimo cancion cu Grupo di Betico a alcansa posicion Nr1 na final di 2020.
Awe sigur ta un dia duro pa su famia y e musiconan di Grupo di Betico cu a perde un otro integrante clave di e populaar grupo di fin di aña riba nos isla.
Hopi forsa na su famia y tur esnan cu a conoce Mo Rudy manera hopi hende tabata yame.
Cu Rudy Croes sosega na Paz.

Comments