Papa ta sufriendo di varios problema cu su rudia di cual den luna di April a cancela varios encuentro y den su aparicion 28 April ela pidi disculpa y informa di su problema cu su rudia cu no ta permiti’e para hopi.
Recientemente dokternan di Vaticano a pidi descanso absoluto pa Papa di cual e mester keda riba cama pero Papa no ta siguiendo conseho di dokter.
Siman pasa por a mire den Publico sinta den rolstoel y di cual su departamento di prensa a informa cu lo sigui mira Papa pa un tempo den su rolstoel.
Papa di 85 aña ta purbando di evita un cirugia y lo haci esey si no tin mas opcion. Actualmente e ta sosegando den su residencia personal na Cas Santa Marta pero trabou no a para, Papa ta sigui traha apesar di su condicion di salud.
Su proximo celebracion den publico ta 15 Mei riba plaza San Pedro si su salud permiti.
Comments