Caroly Croes a haya hopi reaccion positivo y negativo di un photoshooting cu e la haci despues cu oficialmente e e’la divorcia.Nos a puntre dicon e’la tuma e curashi aki y su contesta nos preguntanan tabata lo siguiente:
Con a bin na e idea pa un just divorce photoshooting?
Ami semper a haya mi mes apart di otro hende y mi manera di clausura un etapa semper ta exagera. Pami un etapa di bida ta algo di celebra y semper ta importante pa captura via fotografia pa asina tin como recuerdo.
Cual ta tabata mas emocionante pabo, matrimonio of divorcio?
Mas emocionante tabata divcorcio, Matrimonio tabata mas un sentimiento di deber, mirando cu a crea un famia y esey lo ta un "mester" segun expectativa di comunidad/famia.
Tabata facil pa haya un photografo pa complemente bo deseo y fantasia?
Pa ta honesto a aserca otro photografo pero a haya como contesta cu no ta haci e tipo di session aki dus "divorcio" nan ta focus mastanto riba e parti bunita di un pareha. Mi a sigui busca y a gusta e catalogo di Jesse Rasmijn, mi a aserca Jesse y e cu su pareha tawata esunan perfecto pa e trabou.
Mi ta un hende cu NO gusta saca potret di mi mes pa hopi aspecto (self esteem mastanto) y tabata sinti incomodo dilanti lens di camara. Pero Jesse y su pareha a haci esaki asina great cu tur nervio a bay y a have fun e momento ey.
Kico tur a uza den photoshooting?
Den e photoshoot a uza e corsage cu a wordo uza e dia di matrimonio, e renchi nan, e bistir, e kelki nan cu a wordo uza e mesun dia. A uza ‘fluid’ pa kima e bistir y biña pa curashi y props.
Kico un divorcio ta nifica pabo?
Claro ningun persona no ta crea un famia of yega na matrimonio pa "kibra" esaki, pero si e no ta sano pa keda forsa riba algo cu no ta funciona ni pa yui,paso esey no ta un ehempel positivo tampoco pa nan.
Mi ta kere tur yui kier wak ambos mayor contento esey no nifica nan mester ta hunto y no ta tur amor ta duradero of pa semper solamente di mama cu yui. Dus pami e tabata necesario pa mi paz mental, pa siña stima mi mes prome, para pa mi mes y tambe cuminsa disidi pa mi mes, cu otro palabra laga mi mesun voz resona.
Divorcio pami ta nifica Libertad , aire fresco, comienso nobo pa un miho version dimi mes.
Cual ta bo conseho pa esnan cu no tin un matrimonio salubabel?
Si e no ta funciona stop di pretende. Si bo no ta feliz, bo no por progresa personalmente, bo no tin paz mental, bo no por sea bo mes. Tuma e paso pa e cambio y separa. Tuma bo tempo pa recupera y siguramente no worry kico hende lo bisa of comenta paso al final di dia tras di e porta ey ningun hende sa kico ta pasa y no lo carga bo cruz.
Abo sa bo berdad y no baha na nivel di ningun hende falso of hipocrita. Cara na halto, bo no ta y no lo ta e ultimo mama/ ser femenino pa tuma e paso aki.
Comments