Su nomber ta Abby, e tin 4 aña di edad a wordo diagnostica cu un infeccion den su sistema nervioso central , dokternan a bisa cu no por haci hopi mas p’e y e mester keda biba cu e problema di salud aki te ora cu su curazon para.
Su mayornan a hiba Abby na e birgin di San Juan de Los Lagos na Jalisco Mexico.
Durante un ritual e mucha a cuminsa responde positivamente habriendo su wowonan, e mucha a cuminsa hari despues di e ritual. Un sonrisa a bin riba su cara despues di 34 dia , awe e mucha por cana, core y disfruta di su bida manera tur otro mucha.
Prome cu e milager Abby a keda 2 siman den cuido intensivo sin habri su wowo y no reacciona na e tratamento cu nan a dun’e.
Despues di a keda algun siman na Hospitaal dokter a manda Abby cas pero mester a sigui cu su tratamento, e mayornan cu hopi fe a entrega na yui na birgen di San Juan de Los Largos cu ta di 3 virgen mas importante na Mexico despues di Guadalupe y Zapopan.
Su mama y tata 7 di April a bay na e cataderal di Birgen di San Juan pa cuminsa venera e Birgen pasobra nan yui a cuminsa haya problema cu pulmon y no tabata hala rosea bon mas.
Nan a hiba nan yui pa un ritual di milager di cual Abby a habri su wowonan y keda mira e birgen y a rek su man pa mishi cu e mantel di e birgen y ta eynan segun pastornan presente cu e milager a tuma luga.
Abby awe ta recupera danki na e milager.
Segun e catedral cu e prome milager di birgen di San Juan a tuma luga na 1623, e catedral a haya hopi popularidad di cual na 1990 Papa Juan II a bishita e catedral pa bishite pasobra varios milager a pasa den e catedral.
Comments