Un Suer Frances a keda nombra como e persona mas anciano na mundo cu 118 aña di edad.

Su nomber ta Lucile Randon conoci como Ruman Andre desde 1944 .

World Record Guinness Book a confirma despues di e morto di e Japones Tanak di 119 aña cu Suer Andre ta bira e persona mas bieu na mundo.

E Suer aki a biba e pandemia di griep Spaño na 1918 y tambe a converti den e persona di mayor edad cu a bira positivo pa Covid -19. (16 Januari 2021 ela haya covid di cual a recupera despues di 3 siman)

Su secreto:

E ta conta cu tur dia e ta bebe un glas di biña cora y e ta kere cu esey ta e motibo cu ainda e ta na bida.

Suer Andre tambe ta Conta cu e ta gusta come cos dushi specialmente chuculati.

Jeanne Louise Calment tin e record di e persona cu mas hopi aña a biba na mundo te cu 1997, ela biba 122 aña y 164 dia y tambe tabata gusta come chuculati.

Suer Andre durante segundo guera mundial a traha como maestra, despues a traha 28 aña na un hospital.

Ela wordo nombra como ciudadano di honor na Toulon na e cuidad cu e ta biba incluso na 2019 ela haya un carta di Papa Fransisco.