Awe mainta den programa di radio y television di Lyo, Sra. Divina De Cuba a expresa su mes publicamente cu e ta basta decepciona cu despues di a keda 100 dia na e entrada e boca di e Mini di Fosfaat pa cuida Heintje y percura pa tur cos cana bon no a haya un danki di e autor di e hazaña.
Divina den su expresionan riba radio y television a bisa cu Heintje tabata haci uzo di celulaar den e mina y tabata haya solo locual cu no tabata permiti pa e hazaña.
Divina a bisa tambe cu e ta garantisa tur hende cu ningun un rato so Heintje a sali di e cueba y a cumpli 100 den e cueba sin sali, e por garantisa esey pasobra e tabata constantemente na e entrada di e cueba.
A purba di localisa Heintje pa duna su banda di medaya pero no tabata tin exito pero si Heintje a expresa riba su pagina social di facebook lo siguiente:
‘Dikon tin hende asina mal agradesido mi Dios ?Nan no ta contento cumi a bisanan danki ?
OMG’
Heintja su hazaña a haya hopi reaccion despues di su conferencia di prensa unda ela expresa cu e ta hopi decepciona cu a recuada maso menos 20 mil florin solamente.
Kizas nos comunidad no tin un interes den mas museo? Of comunidad no tin e forsa financiero pa aporta na un causa asina actualmente debi na e crisis cu nos ta aden? Of e mensahe no a yega serca tur hende? Algun puntonan cu e ekipo di Heintje mester evalua considerablemente.
Comments