E entusiasmo pa Caranaval 70 ta hopi halto den nos comunidad desde cu carnaval69 a yega su final por a scucha cu tur grupo a drenta accion y cuminsa lansa nan tema pa carnaval 70.
Pa Don Flip Carnival Group esaki no ta diferente, Don Flip ta un di e poco gruponan di mucha cu a keda y nan tin un ekipo hopi activo trahando riba tur e detayenan pa nan luci den carnaval 2024.
Riba dia di Rey durante e celebracion cu weganan popular riba e parke di Dam di Kas Ariba,den un dushi ambiente, a presenta prins y pancho infantil Arnold Malberg y Jayven Jansen cu lo representa Don Flip y nan reina infantil Ciara.
Ciara tin 7 aña y ta bishitando Colegio Conrado Coronel, hunto cu su grupo di baile Chaz dancer nan a forma un show pa su presentacion oficial cu confeti, musica, baile y speech.
Nos ta desea Don Flip Carnival Group tur clase di exito pa Carnaval 70.
