E voz di e clasico di cancion di pasco ‘Wela’ Carolyn Kelly a bay sosega.
Famia ta den shock cu fayecimiento inespera di Carolyn na Spañe, un viaha di placer pa topa cu su yiunan y celebra dia di mama cu nan a termina den tristeza pa henter famia.
Carolyn ta yiu di e legendario musico y cantante Vicente Kelly (dfm) Carolyn a forma parti di e grupo di gaita Chicas gaiteras.
Chicas gaiteras a wordo funda na aña 1992 pa Marion Maduro cu hopi exito di cancionan di pasco riba nan nomber.
Carolyn ta e inteprete di un di e cancionan mas grandi di pasco cu tur fin di aña mester resona na radionan local, e cancion tin un mensahe hopi profundo cu ta papia di e sentimiento special di Wela.
Carolyn mester a celebra su 50 aña dia 28 di mei proximo. Forsa na su yiunan,su pareha y henter famia den momentonan dificil aki.
