Den oranan di marduga a haya e noticia cu e hoben Jermean Kaersenhout a fayece na Hospitaal. Pa algun dia por a mira riba medianan social cu famia ta pidi oracion pa sanacion di Jermean cu tabata den ICU.
Jermean a bira hopi conoci na momento cu su baby Ronin a bira malo y mester a bay Colombia pa ricibi tratamento medico. Famia tabata pidi yudansa monetario pa busca mas opcion di cual a cuminsa un campaña cu a haya sosten di comunidad. Hopi hende a haya un cariño sin conoce e baby y a aporta na e causa di e mama cu e tata cu tabata mester di yudansa. Pero lamentablemente 25 Mei 2021 baby Ronin a perde e bataya.
Faltando algun dia pa recorda baby Ronin su prome aña di morto famia y pareha di Jermean un biaha mas ta den dolor, tristeza y luto pa morto inespera di nan ser keri.
Jeream ta un hoben hopi social y stima pa su famia y amistadnan.
Nos ta desea su Pareha Gabriele, mama, tata , ruman y henter famia hopi forsa den e momentonan dificil aki.