Dialuna anochi famia y amistadnan di Tire Sampson a dedica algun momento na Tire su memoria den Icon Park unda e accidente fatal a tuma lugar.
E prome rapport cu a sali ta mustra cu e aparato a funciona bon, no tabata tin problema mecanico cu e aparato.
E rapport a duna indicacion cu e hoben di 14 aña no mester a wordo permiti di a subi e aparato pasobra su peso a pasa e cantidad cu ta permiti pa participa den e atraccion.
Famia ta protestando pa basha e ride abou y pone un estatua di Tire na su luga.
E rapport di e accident ta mustra tambe cu e harnass ainda tabata na lock despues cu e hoben a cay.
E peso máximo cu ta permit ta di 286 liber , tata di e hoben a bisa cu su yui tabata solamente 60 liber mas pisa cu e peso permiti.
E famia a bisa tambe cu Tire tabata wordo nenga na e otro ridenan pero aki ta unda e personal di e Free Fall a faya pasobra nan a lage subi y participa na e ride asina mes.
Icon Park a pidi doñonan di Free Fall pa suspende nan operacion y tambe e slingshot inmediatamente te ora cu autoridadnan certifica oficialmente cu e atraccionan ta safe.
Primo di Tire ta colectando firma pa destrui e free fall y traha un estatua di Tire na su luga.
